Kolumne 10.12.2009. 00:00. Zadnja izmjena: 25.02.2016. 10:35.

Penzioner u sukobu interesa

DOMOLJUB

Draga moja Republiko Hrvatska, drago Povjerenstvo za odlučivanje o sukobu interesa, draga Domovino!
Sem ti denes primil Tvoju Odluku pod brojem: I-387-PSI-SI/09, s kojom si me kaštigala z globom od 10.000 kn (napisano: deset jezer kun), jer sem ti ne podastrel se ono kaj te zanima o mojoj “imovinskoj kartici”, kak veliš da bi to moral napraviti v roku 30 dni! Pak sem ne. Pročital sem Ti ja Odluku dvaput, pak još najmeje pet pot koverto pogledal jel to zbilja adresirano na mene, da se uvaženo Povjerenstvo mortik ne zabunilo. Pak je mogel ovaj tvoj “tatar na konju” ili ka se već denes zoveju ovi kaj nam dobavljaju tak “vesele novosti”, navratiti prije neg je došel do Štrigove, do Varaždina ili Koprivnice, a bormeš i v Čakovcu bi se našlo adresih na koje bi se moral prije navratiti, da ne rečem v Zagrebu, neg se je mučil tu do nas, v ove blatne brege, da je ovo donesel meni. Tam su mu valjda konja prestrašili pa se je ne vupal staviti.
Znaš, draga Domovino, ja sam ti čistam mali dužnosnik, kak tvoj organ to v svoji fiškaliji piše, pak se ti nisem s temi paragrafi o “karticaj preveč na-ti”. Kad so mi v općini dali nekše plahte od papirov da to ispunim, sem ti kontal i kontal kaj je tre napraviti prije: ispisivati tam nekše rubrike ili se prihvatiti toga za kaj me je “biračko telo” izabralo! Izabral sem ovo kaj mi je “biračko telo” reklo da je bole važno: šodranje potov, štucanje drevja na potaj, odvodnjavanje blatnih klanaca, sanacija klizišta i slično, jer bi mi za odgonetanje svih rubrika na onaj plahtaj od papira zelo mesec dni časa i dve-tri penzije za stroške fiškalov i inih organa koje bi moral prositi za pomoć, da mi slučajno nekaj ne promakne, pa da me draga Domovino, još strpaš u jenoga od tvojih bajbokov. No, mortik bi to bilo za moje “usavršavanje” i dobro, bi me tam oni Tvoji “tenori” i drugi “specjalisti” naučili kaj o privatizaciji i kak se ona more ožmeknuti. Mortik bi mi koristilo znati kak se za jedno kavico dajo dobiti celi snopi eurekov pod stolom. Ja sem se Ti toga ne dospil vučiti, sem samo delal celi život kak već to mi Međimurci znamo, pak si mi za to, draga Domovino dala i penzijo kak se spada: 1.161 kn, za prošli mesec oktober, s tem bi mogel i malu “Podravku” kupiti, samo ne znam kolko su još njenih dionica ostavili za takve kak sem ja, opasne za njeno “neprijateljsko preuzimanje”.
Draga Domovino, Tvoj Organ mi veli da sem v sukobu interesa, se po Zakonu, točka ta i ta, samo ja ti toga ne razmem preveč kaj je to? Općina me plaća 60 minuta na vuru, kunama smo se otpovedali i ja i moj načelnik, te kune bodo dobili naši štipendisti, dečica pametna i marljiva, željna i žedna znanja. I na ovim našim blatnim bregima rastu naši još nebrušeni biseri uma, budući nosioci progresa i ove moje općine, a i tebi bo koristila njihova pamet i znanje, draga Domovino.
Samo ve jim je treba pomoći, jih malo pogurati s kakvom štipendijicom, kak smo se to mi odlučili. A ti, draga Domovino, odmah sukob pa sukob! To ti je se relativno, kak bi rekel Albert, da je još živ. Jedni so zgrabili Kairosovu bradu i z njom razne tvorničice i firmice, HAC-eke, SMS-ove i drugo, a mi kaj smo ne srečali svojega Kairosa, se z njimi nemremo postaviti, nam je ostalo samo malo ponošenoga spodnjega veša i zlizanih cipeli, deset let stari auto, na rasprodajama kupljene poneke hlače, pak smo onda za to v sukobu interesa? Ugrožavamo sigurnost ovoga našega gospodarstva, mi, a ne oni koji su ga već “ožmeknuli do propasti”? Mi koji smo ne imali za prijaviti dionice u svojim “karticama”, koji se želimo angažirati na dobrobit kraja u kojem živimo i u kojem posjedujemo samo svoju kućicu s malo okućnice, koju smo gradili odričući se godinama, a ne “stjecali” preko noći kako je to sada “in”, dobili jo “na čuvanje” itd, itd, mi smo njena “ugroza” u sukobu interesa?
Draga Domovino, predlažem ti, da ovaj tvoj Zakon o sprječavanju sukoba interesa, malo dodelaš, ga malo izmijeniš, prilagodiš, pak to so tvoji visoki činovniki, oni koji su odjedrili pod “malo vitra” iz svojeg “sukoba interesa”, tak dobro i učinkovito delali, kad im je zatrebalo. Pa kaj bo ova Evropa na to rekla, da nas sitne entuzijaste tak revnosno “pobiraš na red”, nas trpaš v svoje pravosudne mreže za sitnu ribu, a kitovi i cijele nemani ti jih stalno trgajo, pak niš!
Pak bo se Evropa na ves glas smejala kad joj to tam v Štrasburgu povem kaj se mi je to pripetilo, meni a i mojemu načelniku ki smo tak revnosno prionuli na posel puni entuzijazma i volje, a ve si nam ove skorje od banan pod noge hitila? To ti, draga Domovino ravno ne služi na dobro reklamo, bodo ti opet oni Oliji i Hanesi pod nos turali ove tvoje lakrdije od pravne države. Mortik boš do toga dotirala svoj mak na konac, “principijelnosti” i jednakosti pred ovim tvojim Zakonom, po kojem bi mi rada i ovu moju penziju zela kroz kaštigu koju si mi izrekla. Pa ako mi zemeš 30% penzije saki mesec to boš morala na 30 delov razdeliti, pak me valjda nebuš pustila riknuti s stopostotnom pljenidbom? A plaća z Općine je itak nula, kak boš mi onda i to zela? Boš mi po “ukazu tom i tom” skratila za koju minutu ovu vuru ki jo oddelam za javne potrebe besplatno?
Draga Domovino, ja ti ovo pišem onak iz otprtoga srca, na mojem međimurskom domaćem, valjda ga boš razmela, pa i mi smo Tvoj sastavni dio, makar si i negda na to pozabila, pak si rekla da si samo od “Drave do Jadrana”, no pustimo to, bilo pak prošlo. Ja ti bom kopijo ovoga mojega pisma i narečenog zahtjeva rasposlal na već adresih, i našim međimurskim zastupnikom, oni ti bodo preveli ak nekaj ne boš razmila. I ne sam njim, i Predsjedniku RH, i barba Luki i šarmantnoj Jadranki, jer kraki tvoje Hidre bi mogli ovo moje jadanje pod tepih pogrnuti, znam te ja da si ponekad i malo muhasta. A Herakla niotkud! I ve, draga Domovino odloči se, kaštiga ostane ili mi boš oprostila moj greh “sukoba interesa”?
Ja ti tulko penez nemam kak bi ti rada meni zela za kaštigo, ostane samo tvoj bajbok. Tam sigurno još i ima puno mesta, pak se bo našlo i za mene, jer si se ne preveč trudila da ga napuniš z onim fakinima ki so te tak očerupali kroz svoje “sukobe interesa” a “perje” sklonili na sigurno, na razne Djevičanske i Kajmanske otoke, od kam jih lefko v miru “čehajo” i puniju svoje “poplune” z njimi.

P.S.
Draga Domovino, nej mi zameriti na ovom malo dužem pisanju, sem ti ne mislil nekaj spočitavati, Bog nedaj, ali ovo mi je bilo v srcu pak sem ti moral naglas povedat. Mortik bo to i tebi došlo do savjesti pak boš onda i ti malo promislila i svoje “mreže” čvršće postavila za one prave “morske nemani” a nas sitne ribice, bi rekel girice, pustila na miru. Ulov ti se bo više splačal!
Pak mi ostani zdrava!

Izvor: 2850