Dragi moji Štrigovčani

Sedim ja tak pred hižom i čekam da brže mine ov mesec, pa da se prikaže i ta penzija, već su se skupile pavučine po mojem žepu s kobilarom, presušil je kak arapski potoki. Sedim i premišlavljem, kad me zdrami iz polusna zvok poštarovog mopeda. Pomislim da je već zadnji v mesecu, kad poštari obično počneju obilaziti starčeke - penzionere po štrigovskom kraju i donosijo jim malo veselja - bar tri dni si bodo mogli privoščiti i štamperlin “eliksira” za pomlađivanje. Kaj kad je gospon minister za naše penzionersko jato pozabil na obečanja ki jih je najavljival, da bodo penzije rasle kak gobe po naših goricah samo mi dajte svoj glas. Se vam je on tak zlagal o penzijah, kak njegovi pajdaši i Hajdaši o procvatu našeg gospodarstva, naročito kad se rasprodaju, pardon, treba je reči zmonetiziraju, onda bu se cvelo, mortik i naše penzije.
Donesel je poštar neke uplatnice, pismo i drugo, pak zemem očalje da vidim kad bum to moral poplatiti da me ne zadesi blokada mojega TR-a, to vam je ve jako v modi. Odmah mi je opalo v oko da nekaj ne štima z adresom: drugi neki poštanski broj, zadnja pošta Sv. Martin na Muri? Kaj je ve to? Pitam odmah poštara da se je ne zabunil, mortik je to za kakše dvojnike v Sv. Martinu? Znam da štrigovski poštari v zadnje vreme kesno donose pozdrave domaćinstvima od HEP-a, VODA, PLINA, MUP-a i drugih. Rekel mi je odmah da bodo štrigovsko pošto selili v Sv. Martin. Pomislim odmah da je dečko mortik malo eliksira probal, pak mu je to ostalo malo zamegljeno, te razni brojevi, ista mesta i sl. Ili mortik ima praf? Preselili da jo bodo, politički podobnjaci su tak odlučili, a morti još nisu za Štrigovu čuli?
Bodo zeli dizalicu i naložili poštu na šlepere, zgradu koju su naši Štrigovčani sami gradili i fest financirali iz svog žepa? Ili bodo mortik celu Štrigovu nekam preselili da jo bodo, ovi nekad gologuzači sada lakše, uz pomoć svojih veza sa središnjicama “zmonetizirali”, kak počnejo sa sim drugim? Bodo onda zeli (za bonus?) sobom i Štrigovske političke strukture, uhljebljene na općinskim jaslama? Mi se čini da jih naš kraj ne zanima pretirano, mortik so još ne čuli za te poštarske turbulencije? A kak se i trudijo, te strukture nam nado i preveč nedostajale. Naj si njihove “središnjice” zemeju saka svojega človeka na lepu sinekuru (to vam je dragi Štrigovčani, kruh bez motike). One imaju v tom dosti prakse. I aute jim naj nabavijo primjerene njihovim “gabaritima”, kako oni v Varaždinu. Ali kaj bumo s tolkimi štrigovskimi općinskimi projekti i njihovim direktorima projekte, ako se Štrigova odseli? Pa to su one tak se u detalje splanirale, a onda padne v vodo. Vidikovci bodo samo funkciju čakanja na poštara zadržali, bomo hodili gledat kad bo poštar donesel penzije, kome ili dr. Pak v Štrigovi več nade ni pošte, a penzići namo znali kad je zadnji v mesecu.
Kaj pa s planiranim turističkim čudom: izvor muške vode pod Oremošom, bo postal filijala kladanjskog izvora v BiH? A koga bodo brojni uzvaniki tapšali po ramah i glavi, kad se na Urbanovo nado mogle pojaviti autohtone općinske strukture, ako nam i Štrigovo odselijo. Tko jim bo onda plačal debele cehove? Odseljena Štrigova? Štrigovčani, zbudite se konačno iz sna, dok je ne prekesno, dok nam još nade trebalo plačati ulaznicu za pogled u unutrašnjost pošte, ki smo jo davno sami gradili i iz vlastitih žepov. Za koga?
Lepo vas pozdravljam, ne zaspite dok čakate poštare iz odseljene Štrigove!
A.P., Grabrovnik