SITNICE (NE) ČINE POVIJEST

Po starom katoličkom kalendaru, sutra je dan jednoga od svetaca kojega je narod gornjega Međimurja od davnine smatrao i slavio kao zaštitnika svojih vinograda pa onda i njih samih kao vinogradara i vinara. Isto tako od davnine ga je zvao „sveti Vrban“ – izgovarajući to ime s naglaskom na „a“ koje je bilo tako otvoreno da je bilo blizu „o“. Na jednom lijepom brijegu – nema veze s vrbama! – ljudi su mu podigli kapelu i mjestu od ne mnogo kuća oko nje pa i čitavome brijegu dali isto ime „Sveti Vrban“. U starim popisima i opisima, pisanima hrvatskom kajkavštinom, bilo je ne jednom zapisano i poštivano. Izvorno mu latinsko ime „Urbanus“ znači „gradski, građanski“, i s njim se u kajkavštini dogodilo isto što i s riječima, na primjer, u, uho, učiti (se), ujak, unuk, udovac, uživati, umiti se, umrijeti, ukrasti, uprijeti se, jučer – nastalo je: vu, vuho, vučiti se, vujec, vnuk, vdovec, vživati, vmiti se, vmreti, fkrasti, fpreti se, fčera i tako dalje. Tako je i sv.Urban na jenomu međimurskomu bregu bio Sv. Vrban jednako kao što je i na susjednomu slovenskomu sv. Volfgang postao Sveti Bolfenk – i čez sto i sto let je tak sima i sakomu bilo praf.
No, onda „dojšli su i skomendirali svoje!“, čuo sam ne jednom baš u kraju oko Svetoga Vrbana s inačicama koje radije ne bih spominjao. Ali – o tom, a najprije zašto je taj sv. Vrban nama Međimurcima odavno zanimljiv. Čitajte:
Onda negda bila je velka suša. Jaj si ga je bilo sirmaškim kmetom! Suhu zemlu su ne mogli kopati; če su kaj z mukom i skopali, su ne mogli posejati; če su kaj i posejali, je ne moglo ziti, a če je rom kaj i zišlo, je ne moglo zrasti: se se je sposušilo!
Nastala je strašna lakota, a stopram žeja! I najglobleši zdenci su presušili, vode ga ne bilo neč v Muri i Dravi. Ljudi su omedlevali, živina crkavala, i birke štere nigdar ne pijeju su skapavale. I najbojši gazdi su pelnice čistam spraznili, a onda su i najvekše lagve davali za glaš, potlam pak i sam za kupicu kakšne god hude pijače.
V takši nevoli si su se najemput na Boga zmislili i prosili ga naj jim se smili i naj jim pomore. Hapili su se k meši hoditi, doma čislo moliti i sveče nažigati pred Božekom, neč najtrdokorneši su več ne kleli, i na Bistricu su romali – se zabadaf: dežđa ga ne bilo i sam ga je ne bilo.
Bog to na nebesih jen cajt posluša pa se zmisli dol poslati nekoga glet kaj je to tam za nevolo. Je, ali koga, da si imaju svojega posla? Od prvoga svetoga Petra do tistoga zadjoga šteroga neč ne pozna – si moraju svoje delati i se mora štimati: bez toga su nebesa ne nebesa! Onda spazi jenoga starčeka kak pod orehom dremle: sveti otec papa Vrban! Jekne ga malo pod rebra i veli mu: tak i tak, idi, pogledni i dojdi povedat kak to tam je! Sam pazi, veli mu: doli ga nega piti, zemi si sobom, kaj nemo še s tobom brige meli!
Srečen kaj ga je Bog še ne pozabjo, starček friško skoči gor pa kulko je moguči fletno k ajngelom naj mu v palaske i putre natočiju vodu. Odide se zatoga spravlat i zide se z gazdom nebeskih pelnic svetim Vincekom pa tak i tak – nahitroma se sporazmeju: zakaj bi si vodu nesel če ga je i vinčeka?! More se ziti z nekim na putu pa de mu vodu ponujo? Kaj du si ljudi mislili – ga nade sram?! I ajngelom fčasik naj že natočenu vodu vun zlejeju i natočiju ono drugo – ono štero sam dragi Božek pijeju, a i Oni sam na velke svetke! „Sam, znate sveti otec, kak je,“ pošepne sveti Vincek, „ne mora to nišče znati! Ga nega tulko kaj bi bilo za se!“
No, i tak – spravi se na se zadje sveti Vrban, nakladne si kaj je mogo: na rame torbe, na hrbet ruksaka – se puno glažov onoga najbojšega, pa še v saku ruku hajdi palasku! Ne mu je bilo lehko, popikaval se je i ne sam jemput skorom opal. Ali nije vustal, veselo si je pojduč gruntal kakšno de veselje da dojde med ljudi!
A med tim časom dokič se je on tak pomalem spuščo z nebes, na zemli je opo fest obilen dešč. Jel od tiste vode šteru su ajngeli vun zlejali, jel se je i kaj drugo strefilo, to je ne znati niti pak nas za to mora biti briga. Dešč je sveta dobro namočjo, zemla se lepo napila, se se začnulo zeleniti, po poli je počnulo shajati, zdenci i potoki puni vode, od Mure se čulo kak melin klopoče i najemput je se bilo lepo pa fajn! Ljudi su pozabili kak su Boga prosili za pomoč, pa su čudno gledali kakšni se to pop vleče ves naklajen s putrami i glaži. Za hrptom su mu se norca delali i jen drugomu kazali: toti pa je vendar ne pri sebi!
I svetomuVrbani se je vidlo čudno: dojšo je zaradi nekšne suše, a suše nigdi! Pita moške če su žejni, a oni se hecaju: žejni su rom ne, ali če je že prilika, ne braniju se!
„A tak?“ misli si sveti Vrban, „Ničesa ste ne potrebni, a pred Bogom klagujete kaj omedlevlete od žeje? Norca se delate z Boga, mene pak za hrmaka držite? Če je tak a tak je je, nete vi mojega vina pili!“ I srdito su svoju pijaču v jarek zleje! Zadišalo je to i ljudem, ali po tomu su stopram vidli kaj je s starčekom do kraja ne v redu! Samo mu je krivo bilo kaj se je tak mučjo, a za kaj?! Pa se zareko: „Odsihdob kaj bi vam ja god natako, naj vam v lagve ne teče!“
I tak je je – od onda do denes. Ljudi su mu se šteli vmiliti pa su tistomu bregi dali njegovo ime, ali zabadav: kakšna je god suša, če je na Vrbanovo dešč, to goricam sam škodi. Zapraf se onda veli: Kaj sveti Vrban natače, to ne teče v lagev nego mimo njega.“

P.S. Tako je to, na tamošnjem govoru, meni nekada davno objasnila jedna draga starica, a potom potvrdili još neki znani i neznani ljudi iz okolice Sv. Vrbana, a ja sam provjerio: ipak je taj sveti papa (222-230) već u srednjemu vijeku u Europi bio štovan kao zaštitnik vinograda i vinogradara, pa valjda i onih oko međimurskoga Sv. Vrbana. No, onda se dogodilo ono što sam gore spomenuo: „dojšlisu i skomendirali svoje!“ Došli neki pa rekli: Sveti Vrban niti je sveti niti je Vrban nego samo Urban jer ga tako „oni“ zovu! A mi – „sretni“ što nam se nameće nešto nama strano, bez imalo ponosa na svoju tradiciju i svoj identitet, poslušno i ne misleći ništa prihvaćamo ono što nam donose oni koji ne bi dopustili da se dirne, npr., u istočnjačkoga (!!) Vlaha i Jakova ili u lokalne Stošiju i Krševana i sl. Kao da će nas po tom Urbanu, makar i svetomu, prepoznavati i priznavati upravo ti stranci? Pazi kaj mortik ne bi!!
Svim svetovrbanskim i drugim vinogradarima – srečno Vrbanovo i kaj jim zutra ne bu nikaj curelo! Ne zato kaj nej mimo lagva teklo, nego kaj jim ne pokvari – roštiljadu i slično teško delo!